Formulario para doazóns
* Indica que a pregunta é obrigatoria
Condicións da cesión e conservación dos fondos
As achegas realizadas para este proxecto constituirán un acervo de fontes documentais á disposición da comunidade investigadora, de persoas expertas na temática e do público en xeral.
O Consello da Cultura comprométese, en virtude do presente acordo de cesión, á conservación da documentación, en consonancia coas normas e criterios técnicos establecidos para garantir a adecuada preservación do material que integra o arquivo obxecto da doazón.
O conxunto da documentación conservarase como un fondo unitario dentro dos fondos documentais do Consello da Cultura Galega.
Así mesmo, Consello da Cultura Galega comprométese a citar a procedencia e autoría dos fondos cedidos en calquera acto público no que sexan utilizados. Do mesmo xeito, cando as obras obxecto deste acordo se fagan accesibles a través da súa páxina web ou doutros medios dixitais, indicarase expresamente a procedencia dos fondos.
Cesión de dereitos de explotación
A cesión desta documentación ao Consello da Cultura Galega implica a autorización para o exercicio dos dereitos de explotación necesarios para a súa conservación, dixitalización e difusión cultural, de conformidade coa Real Decreto Lexislativo 1/1996.
En particular, a persoa cedente autoriza a Consello da Cultura Galega:
1. Transformación técnica.
Transformar os fondos dixitalizados na medida en que sexa preciso para adaptalos a calquera tecnoloxía susceptible de incorporación a Internet, así como realizar as adaptacións necesarias para facer posible a utilización dos fondos en formatos electrónicos. Tamén se poderán incorporar os metadatos necesarios para garantir o seu rexistro, identificación e protección.
2. Comunicación pública e difusión dixital.
Permitir o Consello da Cultura Galega a comunicación pública e posta a disposición dos fondos a través dun arquivo aberto institucional, accesible de xeito libre e gratuíto a través da páxina web do Consello Consello da Cultura Galega.
3. Consulta e uso con fins científicos e culturais.
Permitir a consulta e o uso dos fondos coa finalidade da súa conservación, investigación e difusión cultural, de xeito que as obras integrantes dos fondos poidan ser difundidas sempre que:
- se cite expresamente a súa autoría e procedencia.
- non se obteña beneficio comercial.
- non se realicen obras derivadas.
Protección de datos persoais
No caso de que os documentos cedidos conteñan datos persoais, o Consello da Cultura Galega comprométese a tratar esta información conforme ao Regulamento Xeral de Protección de Datos e á Lei Orgánica 3/2018 adoptando as medidas necesarias para a súa protección e o acceso lexítimo con fins de investigación, conservación e difusión cultural. A persoa cedente declara que, no caso de que os documentos entregados conteñan datos persoais de terceiras persoas (como fotografías, correspondencia, documentos persoais ou outro tipo de información identificativa):
• dispón da lexitimación necesaria para a cesión da documentación, ou
• obtivo, o consentimento das persoas interesadas para a comunicación dos seus datos ao arquivo e para a súa eventual publicación ou difusión a través da páxina web institucional ou doutros medios de acceso público, sempre con fins culturais, científicos ou de investigación.
A persoa cedente responsabilízase da exactitude da información facilitada e da lexitimidade da cesión dos datos persoais incluídos na documentación, respondendo fronte o Consello da Cultura Galega de calquera reclamación que puidese derivarse da falta de autorización ou da inexistencia dunha base xurídica válida para o tratamento dos datos.
En todo caso, o Consello da Cultura Galega poderá adoptar as medidas necesarias para garantir o cumprimento da normativa de protección de datos, incluíndo, se procede:
- a limitación do acceso a determinados documentos
- a anonimización ou restrición da difusión de información que conteña datos persoais
- a aplicación das restricións temporais que estableza a normativa en materia de arquivos e protección de datos.
As persoas cuxos datos persoais puidesen figurar na documentación poderán exercer os seus dereitos de acceso, rectificación, supresión, limitación do tratamento e demais dereitos recoñecidos pola normativa de protección de datos ante o Consello Consello da Cultura Galega Pazo de Raxoi, 2º andar, Praza do Obradoiro s/n, 15705, Santiago de Compostela ou no seguinte correo: dpd@consello da cultura.gal.