Esta publicación foi editada polo Centro Gallego de Montevideo, sufrindo varias modificacións no seu título e formato, aínda que os seus contidos son similares ao longo de todo o período da edición. Un primeiro grupo de noticias está constituído pola información sobre o funcionamento interno da sociedade (notas e vida social, ciclos de conferencias, actividades, etc.). Tamén inclúe novas sobre a actualidade española e galega nas seccións: «Noticias de España», «Noticias de Galicia», «Crónica de La Coruña», etc. Cómpre destacar os artigos e colaboracións sobre Galicia, particularmente sobre a súa cultura e o hispanoamericanismo. Reproducen ademais diversas achegas sobre a historia, a literatura, a arte, o labor dos galegos en América, poesías, relatos, chamamentos para secundar iniciativas como a da Residencia de Estudiantes ou da Asociación Protectora de la Cultura Gallega, entrevistas a intelectuais, etc. Por último aparecen seccións recreativas, páxinas para a muller, etc.
En 1926 pasa a chamarse «Revista del Centro Gallego» e dende o n. 151 (1929) «Galicia».
Números conservados:
En formato dixital/facsimilar:
- 1ª época:
1917: n. 1-6
1918: n. 7-13
En formato papel:
- 2ª época:
1920: n. 45
1925: n. 103
1926: n. 114; 120
1927: n. 125-131
1928: n. 132-138; 140; 143
1929: n. 144-145; 148-151