Estatutos do "Centro Benéfico Social Hijos de La Estrada" conservados en formato dixital e impreso:

• Estatutos reformados en marzo de 1985 (8 páxinas)

Proxecto de reforma dos Estatutos do "Centro Benéfico Social Hijos de La Estrada":

Conservado en formato dixital e impreso:

• Proxecto de reforma do 27/10/1987 (10 páxinas)

Conservado en formato papel (fotocopias):

• Copia certificada do 13/10/2003 (14 páxinas)

Libro de Actas das reunións das Asembleas Xerais de socios que vai do 10 de decembro de 1932 ata o 31 de marzo de 1949

Libro de Actas das reunións das Asembleas Xerais de socios que vai do 28 de agosto de 1955 ata o 12 de marzo de 1959.

Libro de Actas para a creación dunha asociación dos socios máis novos da entidade, pero que seguirán formando parte da mesma. Recóllense as actas das primeiras reunións, do 29 de marzo de 1967 ata o 12 de abril dese mesmo ano.

Libro no que aparecen os nomes de todos os socios que asistiron as diversas reunións das Asembleas Xerais do 9 de abril de 1951 (continuación da reunión anterior do 4 de abril dese ano) ata o 23 de abril de 1965.

Estes primeiros estatutos sociais foron aprobados o 17 de maio de 1910. Ao longo da súa historia a sociedade foi reformando os seus estatutos.

Programa das actividades organizadas pola entidade para celebrar o Entroido de 1956 con dous festivais amenizados polas orquestras Columbia e Bohemia os días 12 e 14 de febreiro. Ademais o día 19 de febreiro haberá un baile de piñata
e terá lugar o enterro da sardiña. Todo organizado para desfrute dos socios e socias.

Programa das actividades organizadas pola entidade para o mes de maio de 1956. O día 6 organiza un baile amenizado pola orquestra Costa Rica e un concurso de "Jotas e muiñeiras". E o día 26 celebra a Festa do Mantón, cun concurso para o mellor e máis bonito.

Programa das actividades organizadas pola entidade para o mes de febreiro de 1957. Os días 3 e 17 celébrase un baile coa orquestra Columbia. O día 10 hai unha gran festa infantil. E o 24 hai unha gran velada gallega conmemorando o aniversario do nacemento de Rosalía de Castro, coa actuación da Coral do Centro "Anaquiños da Terra".

Velada a cargo da masa coral "Anaquiños da Terra" baixo a dirección de A. Abuín. A velada celébrase por petición dos asociados da entidade.

Programa das actividades organizadas pola entidade para o mes de xuño de 1957 para celebrar as festividades de San Antonio e a noite de San Xoán.

Informa da Velada organizada pola Coral do centro "Anaquiños da Terra" en homenaxe ao seu director, Avelino Abuín de Tembra na que haberá unha representación teatral, a actuación da Coral "Cantos y Danzas de Galicia", xogos florais e un concurso de regueifas. A velada remata cun baile para todos os e as socias que queiran asistir. A homenaxe será o 25 de maio de 1958.

Programa das actividades organizadas pola entidade para celebrar o Entroido de 1961, con bailes para os socios e as socias e as festas tradicionais como un concurso de disfraces, unha piñata ou o "Enterro da sardiña".

Carné de socio de Ramiro Vidal Carrera, fundador e socio número 1 de "Juventud de Galicia". Con fotografía.