Programa coas diversas actuacións teatrais e musicais na homenaxe á Rosalía de Castro.

Invitación para participar nunha homenaxe ao coro da entidade "Anaquiños da Terra". Esta homenaxe está organizada xunto co Centro Español de Lisboa na Festa de Confraternización de ambas entidades de emigrantes.

Programa dos actos que se organizan na Festa de Confraternización das dúas entidades españolas máis importantes da capital lisboeta, o Centro Español de Lisboa e Xuventude de Galicia.

Diploma de socio de honor concedido pola Asemblea de socios da entidade a Ramiro Vidal Carrera, socio fundador número 1 e membro das primeiras directivas da sociedade. A distinción foi outorgada na Asemblea xeral de socios celebrada o 31 de marzo de 1965. O diploma está asinado polo presidente da entidade, Domingo Vázquez Vázquez e o secretario, Gabino Castro Gil .

Libro no que aparecen os nomes de todos os socios que asistiron as diversas reunións das Asembleas Xerais do 26 de xuño de 1941 ata o 4 de abril de 1951.

Libro de contabilidade onde se recollen mensualmente os "Debe" e "Haber" da entidade.

Libro de contabilidade onde se recollen mensualmente os "Debe" e "Haber" da entidade de maio de 1958 ata decembro dese mesmo ano.

Programa das actividades organizadas pola entidade para o mes de abril de 1956. O día 1 os socios e socias poderán desfrutar dun festival dedicado ao socio Baldomero Boullosa, con actuacións da orquestra Copacabana e a agrupación coral e artística "Anaquiños da Terra" da sociedade. O día 22 organiza un baile coa orquestra Costa Rica e un concurso de "Jotas e muiñeiras".

Programa das actividades organizadas pola entidade para o mes de xuño de 1956 baixo o nome de "Festejos de los santos populares". Celebraránse dúas veladas musicais coa orquestra Costa Rica. O día 13, Día de San Antonio ademais da verbena haberá un concurso de versos; e o día 24 celebran a Noite de San Xoán cunha verbena e un concurso de pasodobres.

Folleto co programa das actividades organizadas pola entidade para conmemorar o seu 48º aniversario fundacional. Ademais da relación dos actos que van ter lugar ese día para os socios tamén hai varias páxinas con información sobre a entidade e fotos dos socios e socias.

Programa das actividades organizadas pola entidade para celebrar o entroido dese ano. Celebra varios bailes para os socios e socias a cargo da orquestra Porto de Ponteareas. Ademais haberá unha festa infantil de disfraces e un baile de piñata e o enterro da sardiña. O día 20 pechan o entroido coa orquestra Azul.

Cartel para informar aos socios e socias do Paseo fluvial a bordo do vapor Lisbonense organizado pola entidade no que haberá un baile amenizado pola orquestra Costa Rica. Terá lugar o 18 de xullo de 1957.

Programa das actividades organizadas pola entidade para conmemorar o seu 50º aniversario fundacional. Haberá unha misa, unha visita ao cemiterio para homenaxear aos socios/as falecidos e un acto na sede social baixo a presidencia do Embaixador de España en Portugal no que se entregarán os diplomas honoríficos aos socios con máis de 25 anos de antigüidade na entidade. Despois haberá un baile amenizado pola orquestra Costa Rica. Baile que se repite o día 23.

Invitación para asistir ao festival artístico e danzante que se vai celebrar nos salóns de "Espelho da Agua" para os socios. Haberá actuación da coral galega "Anaquiños da Terra" integrada polos socios e socias da entidade e un baile.

Programa das actividades organizadas pola entidade para o mes de abril de 1960. O día 3 celebra un gran baile a cargo da orquestra Costa Rica. O 9 de abril terá lugar unha "Gran Velada Gallega" coa actuación da coral societaria "Anaquiños da Terra" e a representación dunha obra de teatro en galego "Estebiño".

Publicación editada con motivo da celebración do XVIII aniversario fundacional da entidade. Conta con dedicatorias de persoeiros como o cónsul de España en Lisboa ou a fotografía dedicada do Rei Alfonso XIII. Aparece tamén unha pequena historia da sociedade e algúns poemas dos pais da literatura galega como Rosalía de Castro, Curros Enríquez, Eduardo Pondal etc.

Libro de Actas das reunións das Asembleas Xerais de socios que vai do 10 de decembro de 1932 ata o 31 de marzo de 1949

Libro de Actas das reunións das Asembleas Xerais de socios que vai do 28 de agosto de 1955 ata o 12 de marzo de 1959.

Libro de Actas para a creación dunha asociación dos socios máis novos da entidade, pero que seguirán formando parte da mesma. Recóllense as actas das primeiras reunións, do 29 de marzo de 1967 ata o 12 de abril dese mesmo ano.

Libro no que aparecen os nomes de todos os socios que asistiron as diversas reunións das Asembleas Xerais do 9 de abril de 1951 (continuación da reunión anterior do 4 de abril dese ano) ata o 23 de abril de 1965.