1 Pdf con 3 certificados que acreditan a Antonio Tenreiro Piñeiro, elixido presidente da xunta directiva de "Progreso de Lanzós" o 30 de xullo de 1931. Os certificados teñen data de 1932 e 1933 e están asinados polo secretario da entidade, Lorenzo Alvariño Cendán (5 páxinas)

Contrato de arrendamento do local para a escola de Lanzós en Vilalba:

• 1 copia do documento notarial co contrato entre o delegado de Progreso de Lanzós en Vilalba, César Rodríguez Díaz, crego da parroquia e o alcalde de Vilalba, para o alugueiro da primeira planta do edificio que a entidade habaneira ten na súa parroquia natal e que terá uso escolar (15 de febreiro de 1933) (3 páxinas mecanografadas)

Contrato laboral dun mestre para a escola de Lanzós en Vilalba creada e sostida pola entidade habaneira "Progreso de Lanzós":

• 1 copia do contrato feito polo Consejo de Instrucción de Lanzós, delegación da entidade habaneira, co mestre Gervasio Pernas Anido, como profesor de primeiro ensino durante o curso escolar de 1930-31 (4 de setembro de 1930) (1 páxina mecanografada)

Correspondencia da "Sociedad de Instrucción y Protección Progreso de Lanzós", conservada en formato dixital e impreso, mantida con diversas asociacións e cos seus asociados, ademais dos seus conveciños en Galicia:

• Sindicato "Juventud Agraria" de San Salvador e San Martín de Lanzós
• "Unión de San Simón y Samarugo"
• Club O Acebo de Cangas de Tineo
• Embaixada de España en Cuba
• Cruz Vermella Española en Cuba
• "Comité de Auxilio Pro Repatriación de Emigrantes Españoles"
• "Instituto de Estudios Gallegos"
• Casino de Vilalba, Sociedade Recreativa
• Comité Federativo das Sociedades de Instrucción, Beneficencia e Recreo do Partido Xudicial de Vilalba
• "Unión Villalbesa y su Comarca"
• "Asociación de Propietarios, Industriales y Vecinos de Medina y Príncipe"
• Unión Barcalesa
• "Juventud Sporting Club" de Lanzós
• "Club Gijonés de La Habana"
• "Hijos de Goiriz"
• "Hijos de Galicia" de Cárdenas
• "Asociación Nacional de Enfermeras y Alumnas de la República de Cuba"
• "Liga Santaballesa"
• "La Aurora de las Somozas"
• "Comisión Central Pro-Monumento a Marti"
• "Club Luarqués da Habana"

7 cartas da correspondencia mantida entre a sociedade habaneira e a delegación da entidade en Lanzós así como cos veciños da parroquia sobre o alugueiro da primeira planta do edificio social construído en Lanzós polos emigrantes desta parroquia residentes na illa de Cuba (22 páxinas):

• 1 Carta enviada dende A Habana polo presidente da xunta directiva de "Progreso de Lanzós" á súa delegación en Galicia explicando os motivos da súa decisión de alugar a planta baixa do edificio da sua propiedade ao concello de Vilalba por 5 anos para o seu uso como escola (19 de xaneiro de 1928) (2 páxinas mecanografadas e asinadas polo presidente, Antonio Tenreiro Piñeiro)
• 1 Carta enviada dende A Habana polo presidente da xunta directiva de "Progreso de Lanzós" á súa delegación en Galicia ratificando a decisión de alugar a planta baixa do edificio da sua propiedade ao concello de Vilalba por 5 anos para o seu uso como escola. Decisión aprobada en xunta xeral de socios. (3 de febreiro de 1928) (1 páxina mecanografada e asinada polo secretario da sociedade, Antonio Castro)
• 1 Acta do Consejo de Instrucción de Lanzós, enviada á entidade da Habana do 19 de agosto de 1928, no que fan constar a súa postura contraria a alugar o edificio (1 páxina mecanografada e asinada por Cosme Sacido como presidente e o secretario, Enrique Ramil).
• 1 Carta enviada polo Sindicato "Juventud Agraria de Lanzós" á sociedade habaneira. Trata sobre a reunión que fixeron no seu edificio os veciños das parroquias de San Martiño e San Salvador de Lanzós para tratar o tema da «Escuela Nacional» que o concello quere instalar no edificio social de "Progreso de Lanzós", feito do que son contrarios (14 de decembro de 1930) (6 páxinas mecanografadas e asinadas por Crisanto Ramudo como presidente e José Carballeira, secretario).
• 1 Carta enviada dende Lanzós á sociedade "Progreso de Lanzós" de A Habana por un grupo de veciños para amosar a súa oposición a instalar no edificio "Progreso de Lanzós" dúas escolas «regidas por el Estado» e solicitan que non aluguen o edificio a tal fin. A carta leva a sinatura de moitos dos veciños da parroquia de Lanzós. (20 de setembro de 1930) (2 páxinas mecanografadas e con sinaturas autógrafas).
• Carta enviada dende A Habana polo presidente da xunta directiva de "Progreso de Lanzós" á súa delegación en Galicia na que transcriben a carta enviada polo alcalde de Vilalba solicitando o alugueiro do edificio social (20 de marzo de 1930) (2 páxinas mecanografadas)
• 1 Carta enviada dende A Habana da sociedade "Progreso de Lanzós" aos veciños de Lanzós, titulada MANIFESTO explicando os motivos da súa decisión (2 de novembro de 1930) (3 páxinas mecanografadas)

93 cartas recibidas pola sociedade "Progreso de Lanzós":

• PDF de 160 páxinas que recolle parte das cartas recibidas pola sociedade habaneira de 1923 ata 1937 e que se conservan no arquivo da entidade. Son cartas mecanografadas ou manuscritas que tratan temas da xestión da delegación da entidade en Lanzós, do mantemento e creación do edificio da casa-escola en Lanzós. Tamén hai cartas enviadas por outras sociedades de emigrantes galegos ou de institución da Habana como a Embaixada de España en Cuba. Así mesmo hai misivas de diversos negocios da Habana ofertando servizos á entidade.

Documentación fotocopiada e dixitalizada:

1 pdf con documentación relativa á contratación dos profesores do Colexio da Liga Santaballesa:

• 1 exame coas preguntas da oposición á escola Liga Santaballesa (26 de setembro de 1917) (documento manuscrito). (1 páxina)
• 2 recibís do pago do soldo dos mestres do colexio Liga Santaballesa: 1 da mestra auxiliar Josefa Fernández de Pernas, que cobra a anualidade do curso 1924-25 (550 pesetas) (documento manuscrito e asinado o 2 de maio de 1925) e outro recibí do profesor por impartir clases o mes de abril (200 pesetas) (mecanografado e asinado o 30 de abril de 1925).

Documentación en formato papel e fotocopiada:

• Corrrespondencia do mestre coa Xunta administrativa e coa sociedade habaneira
• Varios inventarios dos útiles e libros das escolas
• Listados alumnos das escolas
• Documentación dos mestres das escolas financiadas pola Liga: solicitudes laborais, nomeamentos, soldos, facturas etc.

Documentación relativa ao Panteón social da Liga Santaballesa no cemiterio vello da parroquia de Santabaia conservada en formato papel (fotocopias) (dixitalizado):

• Certificado do Obispado de Mondoñedo coa cesión dun terreo no cemiterio parroquial para construír un Panteón da sociedade habaneira con catro nichos (24/12/1931) (1 páxina)
• Acta do Consello Administrativo da Liga Santaballesa (delegación da entidade) con data do 21/03/1932 na que se trata a contratación do canteiro Felipe Gante Verdes para construír catro nichos no cemiterio de Santabaia (2 páxinas)
• Recibí asinado polo crego da parroquia, Domingo Pérez Ocampo, da cantidade de 350 pesetas por parte da Liga Santaballesa para a construción do Panteón (3/01/1932)
• Recibí dun arrimo do Panteón por parte do contratista (21/09/1932)
• Recibí dunha Casa de ultramarinos por unha comida que se lles ofreceu aos canteiros polo remate das obras do Panteón (6/02/1933)
• Libreta coa relación de enterrados nos catro nichos do Panteón da Liga Santaballesa na parroquia de Santabaia (1946-1968)

PDF coa correspondencia mantida entre a sociedade habaneira "Progreso de Lanzós" e os veciños da parroquia sobre a construción da estrada de Ramil (5 cartas):

• Carta dun grupo de veciños dos lugares de Aponte, Ramil, Escairo, Escairo do Monte, Caldas, Rego e Rivado solicitando axuda económica á entidade habaneira para a construción da estrada de Ramil (1 páxina mecanografada, asinada polos veciños) (25 de agosto de 1931)
• Carta de agradecemento polo envío de 2500 pesetas para o proxecto da estrada de Ramil (1 páxina mecanografa e asinada) (29 de decembro de 1931)
• Carta informando dos adiantos da construción da estrada e agradecendo de novo o envío de cartos para tal fin (1 páxina mecanografada e asinada) (18 de xuño de 1932)
• Carta da comisión "Pro-carretera de Ramil" agradecendo un novo envío de cartos da sociedade habaneira (2500 pesetas) (1 páxina mecanografada e asinada) (7 de decembro de 1932)
• Carta da comisión "Pro-carretera de Ramil" agradecendo un novo envío de cartos (2000 pesetas) da sociedade habaneira (1 páxina manuscrita e asinada) (3 de xullo de 1936)

Documentación relativa á casa-escola de Fontepisón promovida pola sociedade "Liga Santaballesa", conservada en formato impreso (fotocopia) e dixital:

• Licencia de obras para construír a casa-escola de Fontepisón concedida polo concello de Vilalba (1/07/1927) (2 páxinas)
• Alzado e plano da casa-escola de Fontepisón feitos polo arquitecto Antonio Campello (Santabaia, 17/03/1927) (2 páxinas)
• Prego de condicións para a carpintaría da casa-escola (1927) (1 páxina manuscrita)
• Prego de condicións para a cantaría da casa-escola (28/07/1927) (4 páxinas manuscritas e asinadas)
• Presuposto do canteiro Ramón Ramudo para realizar os traballos necesarios na casa-escola segundo indicacións (23/07/1927) (1 páxina manuscrita)
• Prego de condicións para o peche de luces da casa-escola de Fontepisón (22/02/1928) (2 páxinas manuscritas e asinadas)
• Presuposto dos carpinteiros Vicente e Antonio Gundín para traballar na casa-escola de Fontepisón (26/02/1928)
• Informe dos gastos realizados na construción da casa-escola de Fontepisón (1927-1931) (3 páxinas manuscritas)
  Actas das xuntas administrativas entrantes aprobando a contabilidade da casa-escola levada a cabo polas saíntes:
• Acta do 06/01/1953
• Acta do 17/03/1961
• Acta do 18/01/1968

Conservada en formato impreso (fotocopia):

• Listaxe de contribuíntes para construír o centro educativo
• Recibís
• Facturas
• Correspondencia
• Recortes de prensa

Poder notarial feito pola sociedade habaneira "Progreso de Lanzós" para o Consello de Instrución de Lanzós, como delegados da entidade en Galicia:

• 1 copia do documento notarial que concede poder legal á delegación de "Progreso de Lanzós" en Vilalba para actuar no nome da entidade habaneira (A Habana, 22 de febreiro de 1932) (5 páxinas mecanografadas)

Poder notarial feito pola sociedade habaneira "Progreso de Lanzós" para o Consello de Instrución de Lanzós, como delegados da entidade en Galicia:

• 1 copia do documento notarial que concede poder legal á delegación de "Progreso de Lanzós" en Vilalba para actuar no nome da entidade habaneira (A Habana, 12 de decembro de 1930) (6 páxinas mecanografadas)

Copia da escritura da Escola de Samarugo, da sociedade "Unión de San Simón y Saramugo" (9 páxinas), conservada en formato dixital e impreso.

Estatutos da Sociedad de socorros mutuos Hijos del Partido Judicial de Villalba, manuscritos e conservados en microfilm e dixital.

1 folleto publicado na Habana en 1926 cos Estatutos xerais da sociedade "Liga Santaballesa de Educación e Instrucción" da Habana:

• Estatutos Xerais e Regulamentos interiores da Liga Santaballesa de Educación e Instrucción. Inclúe o Regulamento xeral renovado da sociedade habaneira aprobado en Xunta Xeral de socios o 29 de xuño de 1926. Tamén aparece o Regulamento interior da Sección de Propaganda da entidade refrendado pola Xunta directiva o 11 de xullo de 1926 e o Regulamento da "Junta Administrativa de Santaballa" da Liga Santaballesa con data de 2 de maio de 1917. (Formato orixinal e dixitalizado) (65 páxinas)